°o.O ( أمثــال الحجة أستوتة ) O.o°

ازيكم يا أجمــل أعضــاء..انشالله طيبين
miss u all

شــوفوا بئــا الحجة أستوتة جيبالكم ايه النهاردة ..

أمثال شعبيه ..بس مع أستوتة ..اكيددد غير ..

مش كل الامثال تعرفوها ..

بس في الاول..قبل ماتقروا الامثال..اختاروا رقم..

من 1 : 30

وشوف اي مثل هيكون من نصيبك ..

وهتقولنا طلعلك ايه .. من أمثال الحجة استوتة ..

نبدأ

1- "علي رائ المثل" من خيبته خد قد بنته .. و من همه خد قد أمه ..

2- "ع رائ المثل" اللى ياكل و يبان عليه.. اسم الله عليه ..و اللى ياكل و ما يبانش عليه.. تفوا عليه
..

3- "وع رائ المثل " يا مزين ورينى شعر راسى قال : دلوقت هينزل.. على حجرك و تشوفه..

4-"وع رائ المثل" قالت يا بت مالك صفرة كده قالت : مش حبلت. .قالت لها : يا بت مالك صفرة كده.. قالت : مش ولدت.. قالت لها : طول عمرك كده ..حتى و انتِ بت
..

5-"وع رائ المثل " الله يخلي أختي وأخويا.. أشم فيهم ريحة أبويا ..

6-"وع رائ المثل " أم العليل مشلولة ..و إذا كانت ميت شملولة ..

7- -"وع رائ المثل " اللى عنده اللبن والرايب .. لو راح للجزار يبقى عايب ..

8- "وع رائ المثل " شوبش على اللى طبخ لحمة.. لقاها بصار ..و راح يجيب الضيوف .. تاه عن الدار ..

9-"وع رائ المثل " ان كان صديقك فى أزمة .. امشى حافى و اخلع له الجزمة ..

10-"وع رائ المثل " لو انا امير و انت امير .. مين يسوق الحمير ..

11-"وع رائ المثل " اتحمل همك و هم غيرك تموت.. و انت واقف على حيلك ..

12-"وع رائ المثل " يا رايح الخانكة على حمار .. ما ينوبك من السفر قد المشوار ..

13-"وع رائ المثل " خلو العسل فى قناطيره .. لما تيجى له تساعيره ..

14-"وع رائ المثل " يا سيدنا الشيخ ضربة تكسر لوحك .. قبل ما تعدل على الناس .. عدل على روحك ..

15-"وع رائ المثل " ما يعجبكش حمار الخد.. يا شارى من بره مزوق ..و من جوه هباب عالى..

16-"وع رائ المثل " هم الناس فى الناس .. و هم الأقرع فى الراس ..

17-"وع رائ المثل " لو كـانوا الرجـالـة بشـنباتـهـم.. لـكان الصـرصار اجـدعهم..

18-"وع رائ المثل " الدنيا دى أشغال شاقة و آخرتها اعدام .. الدنيا غدارة و اللى متغطى بيها عريان ..

19-"وع رائ المثل " الكتكوت الفصيح ..من البيضة يصيح..

20-"وع رائ المثل " قالوا : حماتك بتحبك قلت : دا كان زمان و بنتها عندها ياما شيعت نسوان.. لما جرى اللى جرى و المقدر كان.. صبحوا يقولوا عليا.. دا حرامى و بيسرق الكتان ..

21-"وع رائ المثل " عين قرشك فى الحيط.. و لا تعينوش فى الغيط ..

22-"وع رائ المثل " كل عيش حبيبك تسره ..و كل عيش عدوك تضره..

23-"وع رائ المثل " قليل البخت.. يلاقى العضم فى الكرش ..

24-"وع رائ المثل " الحاجة فى السوق.. تقول خبينى خبينى.. لما يجى الخايب يشترينى..

25-"وع رائ المثل " ما تبان البضاعة.. إلا بعد الحبل و الرضاعة..

26-"وع رائ المثل " يا بخت من كان النقيب خاله ..كتر عيوبه و رجعه داره ..

27-"وع رائ المثل " قالوا للجمل زمر.. قال لا شفه مظبوطه ..و لا أصابع مفروقه..

28-"وع رائ المثل " ضربت كف على كف ..ما عملتش للدهر حيلة.. أم الفلافل تقضى بفلوس قليلة ..

29-"وع رائ المثل " ان كان القمح أد التبن .. تبقى الحما تحب مرات الإبن ..

30-"وع رائ المثل " فوت على عدوك جعان ..و لا تفوتش عليه عريان ..

كانت معكم الحجةاستوتة .. من علي البسطه

::: Damnhour.Com :::

للمزيد من مواضيعي

الموضوع الأصلي : هنا || المصدر : دمنهور دوت كوم || الكاتب: Mega || مواضيعي